البيضاء الجبل الأخضر
أجمل مكان لايتوقعة اي انسان أنه موجود في ليبيا التي هي مشهورة بأنها أحدى الدول الصحراوية في شمال أفريقيا والمكان هو الجبل الأخضر شرق ليبيا
غناوي علم

  1-وش أخبارك يلي عليك العين دوم اتعارك.....اتريد تنضرك لكن بعيده دارك



هنا تسئل عن شخص بعيد عنك و العين تريد اتشوفه و لكن هو بعيد

  2-عندك علم ايام الزها و الصوب تمن فلم....تعال احظره



هنا تبلغ شخص بينك وبينه موده وانقطعت
فتقوله ايام الزها بمعنى الفرح
وكلمة الصوب يعني العشق
تمن بمعنى اصبحت
فلم بمعنى فيلم
احظره اتفرج عليه


  3- كيف الصيني عيوني بلاك اصغار يا ناسيني


هنا يقصد انه عيونه اصبحت صغيره من كثر البكاؤك لانه حبيبه او صديقه نساه


ا
غفيرة خلا واوهام *** العين رحيل لولاف ظرها


عندك علم ما نحمل بلاك **** عندك علم ما غيرك انريد
عندك علم يا اجواء غلاك *** معاي كل ما يقدم ايزيد

العين من الاوهام تفيق ان شافت اللي في بالها




اتبكن شديد العزم ايجن اوقات يا أيام تظلمن
يسارب قريب ايضيع العمر بين لوهام والرجا
ازعما ياالعين عزيز مظلوم فيك وللاة ظالمك
اللي في الظلام تبان اطلق عزيز معنا كيفه
 
*ترجاك والرجا فالله&&العين يا علم مو ميسة

*واخذين ما فالعقل&&سوا يبعدو والا يقربو

*ما فالشرق صابات&&علي هلك يا عين عاودي
 
عقيلة فرج قال : اللي موحو لولاف ضرونا الله يضرهم
شتالة مفتاح العبيدي : اللي موحهم مرهونين *الله يضره ضر العين
غالي غاليته في عودي ما عاد سا علي ميجودي
 
 
 
 
السلام عليكم

نبدأ معكم في سرد غناوي العَلم والشتّاوات


ماهو شعر العلم ..؟

العلم بفتح العين واللام في اللغة هو الراية وهو العلامة والاثر وهو الجبل المرتفع,وهو سيد القوم ايضا . العلم في اغاني العلم يقصد بها الشخص المهم او الحبيب في الابيات العاطفية .
وعند البادية كانت المرأة الشاعرة المشهورة يقصدها الفرسان والشعراء من كل حدب وصوب فكأنها علم او راية او جبل مرتفع يهتدى بها الى مكانها .
واغنية العلم من احب جوانب الادب الشعبي المختلفة الى الناس ...كيف لا ؟, والاغنية الواحدة منه مركبة من بيت واحد مقفى وموزون تؤدي من المعاني مافيه غناء عن الكلام المسهب الطويل ...انها كالأمثال بأسلوب بسيط وكلمات قليلة تؤدي الغرض من قبل المقال الطويل والخطبة العصماء.


ما هي الشتــــــاوة....؟

لون من ألوان الأدب الشعبي وهى تقال دائما بعد المجرودة ... أحيانا بمفردها وتبدأ ببيت من الشعر الخفيف من شطرين بحيث تأخذ المجموعة الأولى الشطر الأول والمجموعة الثانية الشطر الثاني وتؤدى على ايقاع الكفوف وتصاحبها حركات متنوعة من قبل المؤدين وغالبا ما تصاحب هذه الشتاوة راقصة ( تسمى الحجالة).

واليكم بعض مقتطفات من العلم في مواضيع مختلفة :-

* لنبدأ ب( الحلم )
حلمت يا عزيز منام ... تمنيته الليل وما كمل
راقد وجاك النوم ... كذاب ما غلانا شاغلك
اتقول في الغطا مكتوب ... يخطر عزيز ساعات نومها
خيالات ياس عزيز ... للعين وين نامت ايجن
سريب ناس كانوا صوب ... البارح منامي جابهم
معاه النوم غير خيال ... العقل يا بعيدين عندكم

* ( الذكرى والنسيان )
مرهون يالعين انسيه ... ديري عزا وين واصبري
بلا رقرقة يا عين ... انسي عزيز ياساته مضن
يكساها ضباب تحوس ... العين وين لأوهامك تجي
ننهى العين على ذكراه ... تقول نبيه لين ننظره
بكيت والبكا ماجاب ... ننساهم والله غالب علي
متورخين في الخاطر ... اعزاز ما نسيناه صوبهم

* ( مابين ارادة وعاطفة )
واخدين مافي العقل ... سواء بعاد ولا يقربوا
ترك غلاه عاش بلاه ... العقل كيف راعاك خاينة ؟
سبحان اللي هانوا ... واشقى العقل بأولاف غيرهم
بطى العقل يرجى فيك ... تغيب ليش يا مولى الدوا
العقل يا بعاد الدار ... يمسى معاي ويبات عندكم

* ( بكاء )
العين هدبها مبروم ... على عزيز يا ما باكية
ماعاد فيهن هدب ... لنظار م البكا يا غالية
خلاني عزيز يتيم ... بكاي ليل والليل ما كمل
بعد العيب جا منك ... يا عزيز مشكاهن لمن ؟
دموعي على لولاف ... سقطن في صفاء دارن حفر
ننهاهن يديرن عزم ... يمساهن الليل ويذرفن

* (الفراق )
فراق العزيز صعيب ... والصبر في غيابه كادني
ادموعي على لولاف ... نزيل غيم ريحة خامدة

* ( الارياف , الشوق )
امرايف يا عزيز عليك العقل ... حتى وانت يالاه موعره
اريافي ونار غلاك ... يا عزيز انا مانطيقهن
فراق العزيز عذاب ... وعين حزينة مرايفة
العقل مانسيهم يوم ... امرايف على طول ياسهم
مابك مرض يا عين ... على عزيز غير امرايفة
امرايف رياف الطير ... اللي في القفص حابسينه

* ( الجروح )
جروح كامدات الروح..
كاسرات العظم..
طارشات الوذن ..
سالات القلب ..
عاميات العين ..
ساحنات الكبد ..
طبيب ما على داهن ايجي .
جروحات عزيز كبار ... وساع والدوا انا منين لي
خايف العقل يجول ... يلقى الجرح ويغيب الدوا

* ( الغلا , الحب )
لا حرام ولا مسروق ... ليش في غلانا تجحدوا
بسيف الغلا مضروب ... القلب لين هادي حالته
شدي عزايمك يا عين ... يفنى العمر لا بال الغلا
اللي ما تردى مات ... اصحاب الغلا راهو الكل
بلاه مانعيش انموت ... غلاك يا علم نفس وقوت
ان كان الغلا قتال ... الدايم الله يا ارواحنا

* ( الحسد )
اللي حسدك صوب عزيز ... يعيش لا نبا لا عافية
التموا في مقاعده حساد ... عزيز مانلومه ع الخطا
عليك ميعدوا حساد ... ضروك في غلا كان نافعك
عزيز وين صار خطاه ... حساده خدوا غايتهم

* ( الخاطر )
يا عزيز وين تغيب ... ما يجيبلي خير خاطري
الخاطر مامعاه رفيق ... الا غلاك ديما يا علم
سريب غيرهم ما جاب ... الخاطر غواليه القدم
قسامي بلا غيات ... بالخاطر الله لا يجيبهن

* ( القدر , الاحترام , التقدير )
القدر هو رديع الصوب ... ان غابن قوانينه اعدم
ماهن خسارة فيك ... لقدار يا عزيز تقيمهن
في زمان قل القدر ... لقى لتراك خيرله

* ( الخطا )
مازال واجعك يا عين ... خطاهم اللي ماله سبب
خطاي من خطاك معاي ... سبق خطاك كافيته بالخطا
خطا عزيز كيد كبير ... معاه خاطري ناض وقعد
لا عزيز داير خير ... ولا خطاه لا قيله جهد
ليش يا عزيز ادير ... الصوب وانت عابي ع الخطا

* ( الصبر )
الصبر شين وزين ... عليه كان يالعين تقدري
هاك صبر داوي داك ... احسن عزاك في صاحب الغلا
الدمع ما يجيب عزيز ... الصبر خير واولى م البكا
اصبر تنال صوب عزيز ... اموالة الغلا طولة رجا


واخيرا ارجو منكم ان تسمحوا لي بان اهدي هاذين البيتين من العلم لشخص ما ...
فراق العزيز صعيب ... والصبر في غيابه كادني
على صبر ما يلتام ... جرحه جديد مازال خاطري
 
 
 
 
السلام عليكم

أغــانـــــــــــــي العلـــــــم

هو أحد ألوان الأدب الشعبي...... وهو نوع من الفلكلور الشعبي التي تؤدا بمفردها أو قبل ما تبدأ المجرودة.



1. اجعنك علم مبروك .... يا عزيز ما كيف لولى
2. جفا وموج وأخرى ياس .... بعدك يا علم دالن على
3. نطلب رجاك يا مولاى .... يقسم عزيز ويروق حالنا
4. ستين ياسن يوهن ياس .... ان غاب ياس حارن في امرهن
5. زرعت صوب دار ثمار .... كلوه ناس ما نالو تعب
6. عزيز دين ما ننسوه .... قدامى تصاويره ايجن
7. يرعولها حسـاد .... عندى العين ما صاحب لها
8. اتقول في الغطا مكتوب .... يخطر عزيز ساعات نومها
9. حضورك على سهوات .... بكى العقل والعين يا علم
10. طالن امراض العقل .... لين هانن على ساولو
11. اخدو العقل بالروعات .... احداه جاورو جبيرة عدو
12. ستبن قافلة م العقل .... زكاة نار لولاف شايلة
13. جبار والكواين فيه .... شديد عزم تاريت خاطري
14. عزيز وين صار خطاه .... حساده خذوا غايتهم
15. العين ميزت الاوقات .... القت زمانها مايل بكت
16. غلاك الغلاء سلطان .... تعيب وما على عيبك جرح
17. الايام قاصرات معايا .... خذن عزيز ويش يدورن
18. ملامى عليه الوقت .... اللى جار وما جاباهم
19. فراق الحبيب صعيب .... تخريج روح يا نا موعره
20. مجازيات من بوعقل .... لا ياكلن لا يشربن
21. شدى عزايمك يا عين .... يفنى العمر يا بال الغلاء
22. ليش يا عزيز تخون .... تنسى عهد ما كان بينا
23. ليش يا عزيز ادير الصوب .... وانت عابى عالخطاء
24. كميته عليا جار .... شكيت به ما هون عليا
25. ترك غلاه عاش بلاه .... العقل وين غايته عرف
26. خايف العقل ايجول .... يلقى جرح ويغيب الدواء
27. الجرح يا ابعاد الدار .... يبرى نصيب ويدورد على
28. مازال واجعك يا عين .... خطاهم الى ماله سبب
29. خطاى من خطاك معاى .... سبق خطاك كافيت بالخطا
30. خطا عزيز كيد كبير .... معاه خاطرى ناض ورقد
31. سمح يا غلاه الاتنين .... ان كان ما خطا صار بينهم
32. اصحاب الغلا يا عين .... نصيب غيرنا فيهم غلب
33. شدى عزايمك يا عين .... يفنى العمر يابال الغلاء
34. مضروب بالغلا تكميد .... العقل فيه مونافع دواء
35. العقل كان طال اعزاز .... يزهى بلا مال ساده
 
 
 
 
 
مجموعة من الشتّاوات




1) يا عيني شقي كانونه = صوب جديد مقابل عونه
2) كان امعاك غلانا صافى = راك امرايف كيف اريافى
3) يالعزيز اقسيت عليها= قاعد يالاها وما تجيها
4) عينى للدمعة مخلوقة=كل امرار جديد اتدوقا
5) يا غالى وبيش ايرضيك = ادموعى منعميات عليك
6) من الياسات خذينا خبرة= نخلط في الضحكة بالعبرة
7) مالى فزعة غير ادموعى= كل عشية ناصب نوحي
8) سدك واجد وانت تكبى = على المرهون ارياطك فكى
9) كان بكت عينى خلوها = تبكى عـاللى ما يبوها
10) ليش تراخيتى عالغالى = لين اخدوه اقلال الوالى
11) الخاطر خلوه مراهين = حطب يابس بين كوانين
12) كانون المرهون علينا = مكبوب بجمره وعوينة
13) تهنى يا مرهون على = وجارك ونارك دالتنى
14) ما من نار على التمت=واللى مش خايف يشمت
15) نار المرهونين هفتنى = هفو ابيض طاير خلتنى
16) كي شالك للدار او سابك = عمية من هاذين اسبابك
17) يوم غلاهم ما شاورتى = خانو يا عين تكدرتى
18) وين انجيها دارك نيره = غير طمع في فكة عيرة
19) نى جمرة والكاز ادموعى = وقشواش عقاب اضلوعى
20) عقلى من الياسات ومره = قزون رباته ضره
21) يا قطاع قسامى غيرك = كيف ايطاوع فيك ضميرك
22) ما من صوب قفل بيبانه = موش امغير عزيز معانا
23) انت يا عين عزيزك خانك = دار خطا شمت عدوانك
24) عينى تبكى دمعة دمعة = ذابت كيف ذواب الشمعة
25) ما تنفع قولة لاباس = النار كلت جوفي يا ناس
26) انت يا قلبى وسع بالك =ما من حال اصعب من حالك
27) عندى عين امغير اتغرد = كيف القزون المتشرد
28) وين خطر غاليها جفت = لين اصباع ايديها عفت
29) مقيولة ويقولو فيها = كيد النار على واطيها
30) شربت الحنضل كى الحليب = على ميلة بختى العطيب
31) يا سى مونارى تحويله = دار مقيم وجاب اعويلة
32) لا نى مال ولانى منظر = شالو لولاف ونا ننظر
33) اللى خرب بيته الياس = عليش ايشاكى بيه الناس
34) ما من بيت وسيع اكمامه= ياسى هدم لافي ارمامه
35) ايبكن يا بودور نضيد = الياس وفرقت الاجاويد
36) عزيز طمعنا فيه كبير = غير كسر ودنه للغير
37) مرهون ايتبع في وذنه= غير قرض روحه وقرضنا
38) مازالن يبنن لاتوة = واللى عده راج ابسوه
39) فكونه من قولت كانن = وين بيوت الصوب ادنانن
40) ايجونا مازالو لليوم =اعزاز توامه هم والنوم
41) وين عزيز اغلى عالخاطر = خان وخلى دمعى قاطر
42) يوم غلاهم ما شاورتى = خانو يا عين تكدرتى
43) حتى والفزاع قريب = من نار الرهون امريب
44) وين غفيت عزيز تهايا = ما فزيت الا بغطايا
45) الخاطر دايح دوم وراك = يدارى في الهم بملقاك
46) شبنا ابقينا صوفه =من فرقة لولاف حسوفه
47) ريت الخاطر جاه ضلاله= يبكى على لولاف اقباله
48) يا دنيا ليش اتخونينى .= جيتى بين عزيز وبينى
49) يا عينى ماحبك والى = تبكى كيف قلال الوالى
50) صار نهار رصاصه يقلى= بين رحيل عزيز وعقلى
51) هيمن والجو امواتيكن = بكيات عزا ما فيكن
52) وين انقول النار تواطت = نلقاها من تحتى شاطت
53) انا والعين اسباب امراضى= صاحب صوب غنى موفاضى
54) وين عزيز اغلى عالخاطر = خان وخلى دمعى قاطر
55) نكتم بالعبرة بانفاسى = خايف من تشميتت ناسى
56) انت يا عين عزاك ادموع = الغالى صكر عالموضوع
57) طمع ما عندى في لولاف = امغير كلى كبدى لرياف

 

مجموعة أخرى من الـشــتـّــاوات




58-طول الليل انخط ونمحى = نرسم فى بو لحية سمحة
59-مجروح الغالى خلانى =لا ساولنى ولا داوانى
60-يانا اللى نضحك ونبصر= والخاطر عندى متكسر
61-ماننسى ياليل جميلك= ديما اتجينى ونشاكيلك
62-كيف انريد انجى للغالى = هو مشغول ونا فى حالى
63-عالاوهام نبكى ديمه = عندى فيهم نار جديمه
64-ياخالق للنمل بيوته= يقسملى الوسطى فى خوته
65-غاب عزيز وديرنا غيره = ماصارت للعين بصيرة

1
2
3
4
5
6
7
8 58-طول الليل انخط ونمحى نرسم فى بو لحيـة سمحـة
59-مجروح الغالى خلانـى لا ساولـنـى ولا داوانــى
60-يانا اللى نضحك ونبصر والخاطـر عنـدى متكسـر
61-ماننسى ياليـل جميلـك ديمـا اتجينـى ونشاكيلـك
62-كيف انريد انجى للغالى هو مشغول ونا فـى حالـى
63-عالاوهام نبكـى ديمـه عندى فيهـم نـار جديمـه
64-ياخالـق للنمـل بيوتـه يقسملى الوسطى فى خوتـه
65-غاب عزيز وديرنا غيره ماصـارت للعيـن بصيـرة

 

 
القدر
ماهن خسارة فيك . . . . لقدار يا عزيز تقيمهن
بلاه ما يسير الصوب . . . . القدر هو مباديه يا علم
يستاهل عزيز القدر . . . . إمغير جاء دونه غنى
في زمان قل القدر . . . . لقى العقل لتراك خير له
يسقيك صوب صافي ماه . . . . العقل يا غنى لو تقادره
بعد مقادرة وأمان . . . . إزعما يا غنى ما ناجدك
اللي غلاه جا بأقدار . . . . عليه كان هنتي تأثمى
يهونن عليه العقل . . . . لو تبادله بأقداره يا علم
قبل خاطري ناويك بقدر . . . . العقل قابله باب غيهبه
القدر ما يخصم ميعاد . . . . وإن كادك يقيلوك يا علم
ليش تبذري لقدار . . . . مفيت في عنا ناس عاقله
 
 
 
دعي العقل لام العين كسر حجاجها جال ع الجفا
ابقي خلوج م لولاف العقل ياعلم شاط ع النبا
غلا عزيز غيم بعيد رشراشه بلا ريح ما يجي
العقل ماحمل جحداه غلا عزيز يا بال ينتسى
الدار كل يوم رحيل ..قيس للعين مومقابل ونس
العين جرحها تقريض .. تقطيرت الدوا ماي حامله
خلاص ما بعدكم ناس .. ولا العقل يشقى بغيركم
حنين خاطري في الدار .. حنين خلوج بين حيران عقلت
تباكن بلا ميجال .. ادموع يفظلن ما نريدهن
امتى عمرنا ياعين .. خفينا وماجونا اقدم
رحلاني ورا القديم .. ايحطن هجير ويبكرن
ماعد انظري انشيل .. فيت ياالقديم معاك
ابرمت ريح دار عوين .. ثاريت نار مرهون والعه
اكبرت في عيون الناس .. واصغرت في عيون غالي غني
ليام ماعطنا بيش .. في عيون الغوالي نكبرو
ابكا وهندبه وجضيض .. على جلوه ياليل واخذك
حتى قبل لمغالاه . .مرقد الليل ماني موالفه
اقربت نوم جوني فيه .. اخر الليل ماحوته كمل
طفاي ياعزيز النار.. قدع وقال ياما دايره
علي من انريد انجول بعد عزيز ياطول عازتي
نباهم ايجي ع البال حتى وهم غياب ياعلم
العين صبرها تمويه بلا عزيز ماعاد حامله
نرجا عزيز نين انموت انوفي عهد ماضي بينا
الموت كاينا وتكون او ماكاينا غير خونتك
غلاهم ابقي للعين خيال ياعلم في نومها
اسعدك زين يامرهون انسيتنا ومابيت تنتسا
الياس في فراش الموت جمع ضناه وصاهم علي
ستين ياس دالن فيه اقهرن خاطري تاب ع الغلا
العين راضيا بمنام تنظر عزيز فيه وتنعما
نبكي العمر يوم بيوم انكان ياغايب اتجي
خلاني عزيز وغاب نمشي اوحدي ف ادروب الغلا
ستين الف وادي نار شقيتن على شانك عند
اطناش وثمان اسنين عزيت في عزيز وما قسم
غلاك ماتخاف عليه مصيون بين عيني وهدبها
يمشي عام ويجي عام اومرجاي فيك ياغالي اطول

 

 
الشتاوي

فيهن هك وهك قلبني .. طفاي النيران هلبني
يانار المرهون كبيره .. مامنك نجيت بصيره
كل اللي فازع سيبني .. في نار المرهون هلبني
صبا فزاعي واحتار .. منين مايجيني يلقى نار
نار وفزاعي مصبي .. مدارعدوك دارت في
تقاوت نار عزيز امعاي .. بعد ماهزيت ع الطفاي
نار تقلدها هيزوع .. اللي جانا روح مفجوع
طفايك يانار اخطيني .. دورني ماعاد القيني
اندور في طفاي النار .. وهو مني ممشاة نهار
طفاي النار اللي جاني .. خاف على روحه وارخاني
نيران عزيز اللي جوها .. تاكل في جوفي خلاني
انا والعين علي من عابي .. طفاي النار اذارابي
كلاني هفو النار ونا انبهت للفازع ماجا
دارولك واجد مادرتي يانار المرهون كبرتي
كثرن يانار لهاليبك ماعاد الطفاي ايجيبك
في النار خذت غايتا ماعاد تنفع تطفايتا
اطلق لموشة نار معاي كلتني غصبا ع الطفاي
يانار كليني براحه وكلت قش خمود ارياحه
يانار صهيدك لاحقني ماظنيتي الا يحرقني
 
 
 
 
 
 
 
مختارات من كتاب: (غنّاوة العَلَم.. قصيدة البيت الواحد)


(الشتاوي)








عَرَفْته يا لَوْهام القَيْس انْجِيْكَن حَتَّى بالتّلْمِيْس.

"سالم مسعود"
****

مَو مِن تَوّ عَزيز يماطِل لا طِلْنا حَقّ ولا باطِل.

"عبدالكافي البرعصي"
****

دعَيْت عَلَيْهم مَرْهُونِيْن ونَكْرَه في اللي يقُول آمِيْن.

"محمد بوخليل"
****

امْغَيْر عَلَيْ شان مهَايَاة بكَت عام وعام مراجاة.

"سعيد سِيْد روحه"

****

خَطَاهِن يا عَقْلي لَوْهام اتْحَرِّك مرْشة تخْدِم عام.

"فتحي إدريس"

****

عزيز امخَلّي لي لَوْهام جدَب لُو تمْطِر مِيّة عام.

"عاطف فضل الله"

****

درْت غَلاَ ما والي عِلْمه عَدّا كَيْ سَرّاق الظَّلْمَة.

"صالح بورحمة"

****

اللي اهْلبَوني في لَوْهام شهادة مِن دِيْني ظلاّم.

"موسى العَبْد"

****

قاعِد في لَوْلاف انْراجي رافِع يَدّي فوق حَجَاجي.

"يونس اعْبَيدالله"

****

بكَرْتي بَدْري عَ اللَّوْهام انْظِر نَوْع انْظِر ضِيْق عَلام.

"اجدَيّ البَطُّوم"

****

ياما نا وعَزِيْز عَمَرْنا واليَوْم بْعَيْب اصّادَرْنا.

"خالد الرعَيدي"

****

لولا قَصّاصِيْن الجِرَّة كنّا عَ الحلْوة والمرَّة.

"فتحي بومحارب"

****

اكْرهْت النَّوْم عَلَيْ سبّاه امْغَيْر الخاطِم جاب نباه.

"احميدة عيسى"

****

حالَن دُون عَزِيْز استاخَر كَم دَيْر يفَرِّغ في لاخَر.

"موسى معَيتيق"

****

العَيْن سماها متْضايقّ بْغَيْم وفِيْه برُوْق اتْشقّ.

"فتحي بوبَيضا"

****

ذَنْبِك يا عَيْن عَلَيْ جَنْبِك درْتي نِيْران ولاذَن بِك.

"عبدالفتاح العبِيدي"

****

يَوْم فراق عَزيز وبعْده لا طِقْنا مَصْبَى لا قِعْدة.

"مراد البرعصي"

****

يَوْم فراق الغالي لنّا كَفِّي دَمْع وكَفّه حِنّا.

"محمود زايد"

****

يا اللي فيك تخاطَى قَسْمي هَفَّيْت عَلَيّ انْسِيْت اسْمي.

"عبدالعزيز العَوّامي"

****

عَ اللَّوْلاف ابْكاكَن باطِل لَكَن في لَقْسام انْماطِل.

"إدريس لزبر"

****

شلْت ذْنُوب اِن كان نهَيتِك واِن شلْتِك للدّار عَمَيتِك.

"محمد العقوري"

****

كانت بَيْن الناس اموَدَّة غَيْر الودّ زمانه عَدّا.

"صالح الفاخري"

اموَدَّة: تُنْطَق "اموَدّا" ليستقيم الوزن.

****

عَزيز امْخَلِّف لِيْ حَوْساتْ أَكْمامي دِيْمة مَبلُولاتْ.

"حميد السعيطي"

الأَكْمام المُبَلَّلة: كِناية عن البُكاء.

****

الدّنْيا تنْشلْني بْركاح وتعْزقْني دَلاّي نزاح.

"عوض الفاخري"

****

بَيْن رجاه وبَيْن اَقْسامَه ضعْنا ضَيْعة مال اِيتامَى.

"يوسف الحنَش"

****

كذا خَبّرْني فَيّ اسْنِيْن الغايب جابه دَمْع العَيْن..؟!

"يونس بومبروكة"

فَيّ: في أيّ.

****

ذايِب عَ لّخْرِيْن سحابَكْ وَآنا يحْرِق فِيّ اَجْدابَكْ.

"علي بُوحوش"

****

عَزيز خَذا فيّ امْطَيْرِيْح ذرِيْ ما تحْكِم فيه الرِّيْح.

"خالد القَرْباع"

****

جَيِّك للَّوْهام مضَرَّة نا وَقَّظْتِك وانْتي حرَّة.

"عادل اليتيمي"

****

لُو جُوْبَة رانا جِيْناهم غَيْر المَوْح ابقي فَ اَنْياهم.

"عبدالسلام المهشش"

****

ما اسْرَع ما عَ العَيْن توارَوا تحْلِف لَوْلاف الاّ طارَوا.

"رويعي الفاخري"

****

كان افْضِيْ مَرْهون وجاني نسَّمَّى سلْطان زماني.

"عيسى بوالقَوّالَة"

****

في لَوْلاف تخاطَى قَيْسِك صادَف لَصّ الياس تريْسِك.

"جمال بوصنَيْب"

هذه الشتّاوَة تُحيلنا إلى لعبة "الاسكمبيل" المعروفة.. اللصّ " الآس": هو أعلى رُتبة في لعبة "الاسكمبيل".. والتريْسِ "الثلاثة": ثاني رُتبة بعد اللصّ" مباشرةً.. وكلمة "ترِيْس" تعني ثلاثة.

****

الدّنْيا راها يا شَكّاي اتْجي فَزْعة واتْجي غَزّاي.

"سليمان احمودة"

 
 
حوار العقل والعين



"العَقل والعَيْن".. أوالعَقل والغريزة غالباً في حالة اشتباك.. حالة حوار.. أحياناً يكون حادّاً.. وقد الْتقطْنا هذا الحِوار الهادئ من مجموع ما توافر لدينا من غناوي العَلَم:

العَيْن:

العَيْن في الغَلا تنْهاس ويباتَن اَقْسامه لغَيْرها.

العَقل:

عْنادِك عَلَيْ لَوْلاف بلا نصِيْب يا عَيْن قايْضَة.

"علي عوينات"

يُقال بأنّ تاريخ هذه الغنّاوَة يعود إلى سنة "1960".



العَيْن:

تقُول نترْكَه وتْحَنَث غلا عزيز قَلّ اَيْمانها.

اَيْمان: جَمْع يَمِيْن.



العَقل:

اوْحلْت يا العَيْن معاك تَمْسَي براي وبراي تصبْحي.

"جمعة الصَّكْلُول"

العَيْن:

بعَدَك ما لفَى عَ العَيْن انْفَيْت ياس وايْده مُوْذية.

انفَيْت: بعضهم ينطقها: امفَيْت بالميم.. والصواب أنها بالنون.. وأصلها "نفيْت" من النفي.. وأَصل النفي الإبعاد.



العَقل:

كَمِّيْن ياس صاد العَقل كثْرَن عَلَيْه وجْلاله برَد.

"مسعود الزعلوك"

هذه الغنّاوة تُنسَب أيضاً ألى "سليمان الشرِّيمة".



العَيْن:

البارِح أَولاف العَيْن حلْمَتْ منام جَوْها كلّهم.

"عوض السعيطي"

العَقل:

كَيْف تحْلمَي يا عَيْن تفْسِيْرِك عَلَيْ قَيْس غايتِك..!

العَيْن:

انْظر العين تَرْجا فَيْش تعاقَب الليل وما بكَت..؟

"حبيب الفاخري"

العَقل:

إنْ كان كلّ شِي يا عَيْن تبْكي عَلَيْه راكَي تنْعَمي.

"محمد البزاري"

العَيْن:

مِن يَوماً انْسِي ما قال ورا عَزِيْز ما فِيك ما بكَى.

"أبوبكر الصعقار
 
 
 
 
 
العَقل:

لُو كان ما بكَى هُو زاد عَلَيْه دَمْعتي مَيْ زايدة.

"عبدالفتاح العَقيبي"



ويأخذ العقل زِمَام المبادرة:

العَقل:

يا العَيْن داجي الدَّمْع أَكْثَر الغَيْظ مازال لاوْرا.

"سليمان الشرِّيمة"

المدَاجَاة: التوفير.. والتحكُّم في استهلاك الشيء.



العَيْن:

وتْرِيْدني انْداجي الدَّمْع فَضلة زمان واَوْهام سَوتهَنْ.

"سليمان الشرِّيمة"

العَقل:

عارِف اللي في الدّار بكَى العقل قَبل يطُولها.

"عبدالكافي البرعصي"

العَيْن:

امْصادراتّا لَوْهام تبْكي العين حتّى بَرضْها.

"عقيلة فرج"

العَقل:

امْغَيْر يا العَيْن ايْعَمي ابْكاك ما دوا عازة ايْجي.

"محمد البزاري"

العَيْن:

لُو كان لْخطاهم عَزْم لقْيَت العَيْن ماراها بكَت.

العَقل:

الياس يانسِك يا عين مِن يَوْماً رواوِيده لفَنْ.

العَيْن:

ناضِد عليه الياس العين طَرفّا كَيْف تنفضَه..؟

"سليمان الشرِّيمة"

العَقل:

زمان يا العَقل أسْلاف حمْلَوا بلاك كافِيْهم بها.

"محمد البزاري"

العَيْن:

العَيْن مَيْ قليلة خَيْر تَنْساهم بعَد واجِد غَلا.

"محمد البزاري"

العَقل:

يضّامَر يواري فِيْه العَقل يا عَلَم سارِق غَلا.

"حمد الشَّرْشا"

العَيْن:

صَيُّورها اتْبان اتْبان النار مَي سرِيقة تنْجحِد.

العَقل:

عَ العَقْل طالبة اطْلبان تهْلِب امْنَيْن لاوَيْن نارهم.

"محمد البزاري"

العَيْن:

وطَيْتي عَليه الْذعِك عَقاب جَمْر مِن نار لَولي.

العَقل:

انْجِي العمر ضاع العَقل بلاش ما مشَى يَوم الخَطا.

"جمعة عبدالحميد"

العَيْن:

اتْقُول ناجية وكذبت العَيْن م القديمين تفتفت.

"عيسى بوطوَيسة
 
 
 
 
 
ابراهيم سعد
اتركهن وتنال الصير مالك سبب في دمعهن.


اتركهن تنال جميل مالك سبب في ذنبهن.


أنتي سبايبه ياعين غلا عزيز لولاك ما رسم.


اجعن دعاي يامرهون تلقاه في ضراري كبيدتك.


اعزاز مالكين العقل ينساهم منامه يجيبهم.


الافا لنهار يجول ,,, العقل داه مالليل ياعلم.


العقل واسع الجالات أضايق مع نار الغلا.


العقل ما ينام الليل سطير جرح لولاف سمره.


الـعـقل يابـعاد الـدار يـمـسي مـعاي ويـيات عـندكـم.


العقل في بلاد جهال؛ إن دار الغلا ياذوه ياعلم.


العقل ماعطوه حقوق اصحاب الغلا ضالمينه.


الدمع ما يجلي الياس أيزيدكن أرياف وتنعمن.


الدمع يوم ياس عزيز لو كان غيث لوطان أرجعن.


العين هدبها مفتول علي عزيز ياما باكيه


العين قابلت ووزنت والعقل قال ما كيفك علم.


العين هي عـذاب العقل دلاته علي راي ذيبله


الـعـين في العذاب تحمل ترجاهم رجا نين يـقسموا.


العين من غلا مرهون تذوح ما دباره لاقيه.


العين شوقها مرهون والفاضي اغباوه دايره.


العين وين قالت تاب مرهون دار به نين نقضه.


العين حاسبت لو قات لقت زمانها مايل بكت.


النار في قرار العقل نزلت ياعلم دار راكحه.


النار قايله للعقل أن صار يأس لولا ف ناخـذك.


الناس يحسبوك ربيع وأنت عذاب يانار الغلا.


الصبر خير واشوي ذنب واكثر جميل وأولي م البكا.


اللي بهم الصيف ربيع خشوا ا لجون ياعين باعدوا.


اللي صا يرة بالعقل سراقة بها ما تدري.


اللي غلاه في مرهون دواه صبر ياطول عازنه.


إينوس خاطري مهيوس من ياس ناس كانو له ونس.


بين الروا ياثاب دخان ياعلم نارا لغلا.


بلا قشوشه للنار تشيط نوحلو في ردمها.


بعد رديم الياس شقيت نار لولاف لهلبت.


بنيت قصر في لامال .... اكبر الياس جاني وهدمه.


بالك عليه تغلي ويبقالك عزيلة خاطري.


بلاك ما نريد انعيشن نفداك بالروح ياعلم .


تبقي حايسه وتموح عزيز وين عيني تنظره.


بعد بكاه وان تغيب نقص عزيز ما نامن لحد.


تقد يعك علي لوهام بلا نصيب ياعين تجهلي.


تنهاهن يديرن عزم يجيهن الليل ويذرفن.


تها يولها واسمرت العين وين ما لاج نومها.


ترجاك والرجاء في الله العين ياعلم ما ميسه.


تبقي حايسه وتموح عزيز وين عيني تنظره.


تشيط في خفا وتبان سبيل عادة النار ياعلم.


تاكل بلا دخان جواني دقيله نارهم.


ترجي العين تاسع ياس ترقيع في غلا بايد لها.


تذوح في عقاب الدار تلقي عزيز هيال بالها.


تصليب جابها ع الكبد خبير ياعلم نارا لغلا.


تقول شاطات اليوم غيات ياعلم باد جيلهن.


توا روا وهم حيين عرب أجواد كانوايفعلوا


ثلاث هن دوا المريض ان جن يموت وان غابن بري.


جبد سريب جابك فيه بكا العقل ما حوته سكت.


جضيض خاطري م ألنار بكي جميع مولاي ما خلق.


جرت عليه نار عزيز العقل نين شاكي خالقه


جروح يا عزيز غلاك م الغيبه برايا ع العدم.


حرثن فيه نين جبرن شلال دمعتي يوم ياسهم.


حتي والمواوير يـاس غلا عزيزنا ما نتركه.


حتي وهو عذاب سنين يغات ا لمراهين فاكه.


حتي وانت فيك الياس خلق الله توقاتك فرج.


حال غايتي في الصوب وان صار الخطا مانحضره.


حتي وأنت فيك الياس خلق الله توقاتك فرج.


خليت ياعزيز ألعقل جنازه بلاروح واقفة.


خلاني صفا ليام نشاكي اللي مانشغله.


خلا ني غلا مرهون نشاكي الدانون ياعلم.


خلا ني غلا مرهون نموج في هواء ماله سند.


خلاك حايره في ألراي غلا عزيز ياعين هو أللي.


خطر ودار لك مشغال عزيز قبل يا عين ناسيه.


خاطر عليك عزيزا ليوم وامس يا عين باكيه.


خطاهم اللي داروه قبلوا جميل هانوا با علي.


خلفت ياعزيز معاي فواهق بنيران يطلقن.


خطاك باعزيز معاي كبير غير كاميه خاطري.


خطاك من خطاك معاي سبق خطاك كافيت بالخطا.


خطرها خطاك العيب اللي معاي جا ما لا سبب.


خذيته وصار أمعاك رفيق زين ماهو أمطالقك.


خلينهن ضلل في قيظ؛ يا عزيز حيران خاطري.


خوفنا بعد توبات جرونا مراهين ما فضوا.


دموعي علي لولاف شلال كيف ماره فالجبل.


ديما قبال العين سوا بعاد والا يقربوا.


دموعي علي لولاف أسقطن في صفاء دارن حفر.


دموعك عليه كبار غلا عزيز يا عين ذيبلك.


دهوار بلاهم خير اللي لا غنوا لاريحو.


ديم قبال العين عزيز لا تواري لاقسم.


دموعك عليه حلال عزيز كيف ياعين والدك.


دموعك عليه كبار غلا عزيز ياعين ذيبلك.


دوا مات غلا مرهون م النوم وين نوعي تصيدني.


حرثن فيه نين جبرنشلال دمعتي يوم ياسهم.


دعاي ياعزيز عليك أدعا حاج مولاي قابله.


ذنوب يا عزيز عليك سمار وانت في نومك هـني.


راقد وجاك النوم كذاب مو غلا نا جارحك.


رجيت والرجا ما جاب ننساهم الله غلب علي.


رماهن صفا ليام علي عويل مو قيسا لهن.


رجيتك وطال رجاك وانسيتك وما نيتي نسا.


رزاك عرف ما فيك صبا العقل ورماك طوطشه.


روامي أرمام العقل خطر عزيز حوما جابهن.


زعمه يا عزيز تسال والا سحبك ديوان غيرنا.


زعمه كيف صارا لموح مدعي غلاي مازال جابده.


زرعت زرع جاب أثمار جنوه ناس ما نالوا شقا.


زعزاعة الياس تغير ع العين وين ما دارت نما.


زعمه ما يريدا لعقل يزها بيك ولا يوم ياعلم.


زعمه كيف صارا لموح مدعي غلاي ما زال جابده.


زلازل وفيض ونار غياتك براكين خلفن.


سلام غالبه الكلام من ضيم ياعلم نارا لغلا.


سياتك المتبعات ننساهن تجيني بغيرهن.


سمرن نين ماح النجم حتمن يأس غاليهن غفن.


ستين الف جوز طبييب الجرح جار عانوه كادهن.


سفا رديم ع النيران العـقـل وين مافيهن وحل.


سحبه صوب مرهونين العقل ما عليه والي نشد.


.سرييب صوب جا للعقـل نساه يا علم طاري الهل


شلال من شراب عزيز دموعي علي ياس العلم.


شدي عزا يمك ياعين يفـني العمر يابال الغلا.


شكاع بارقه ما بات غلا جديد لا في خاطري.


شكواك له امغير معار للي عليه ماجار فا هقك.


شكواك وانت داك كبير للي سليم بورة حا سرة.


شراب في ا لمفاصل ذاب غلاك داه ما لا دواء.


شقانا وراهم ضاع سعد غيرنا فيهم قوي.


شرهان خاطري بغلاك يطولك ولا راضي ع البكاء.


صيا ا لعقل يوزن فيك لقيك ردع لوطان كلهن.


صبار وا لكواين فيه شديد شديد عزم ثاريت خاطري.


صبرن يا عزيز سنين اللي قبل يوم يكيدهن.


صبا لي وزير الياس نساني غلا مو برادتي.


صنم شكيت له م الياس جبر بخاطري وقال يقسموا.


صعوده تهابي فيه غلا عزيز يا عين كايدك.


ضليتي ضلال كبير وراء عزيز يا عين الحياء.


ضليله وراء مرهون العين م ا لبكاء نين أنعمت.


ضليله وراء مرهون العين م البكا نين انعمت.


ضليله رايها مازال العين بالمراهين شاقيه.


ضليله وطت في حوض تطول في عزيز وتلتغب.


طباعة غلا مرهون تناوض علي رأس حولها.


طروا عزيز ع الغفلات سهيت نين ما فيدي وقع.


طارح فراش الياس العقل نام نومه ريحه.


طالب الله فزاع يجيب ناس ماضي صوبهم.


طالق معانا نار جرار غلاك مازال غايتي.


طبيب ياعزيز غلاك صفق ايديه مولاقي عزاء.


ظليمه عليه الصبر جرحه جديد مازال خاطري.


علي اثر جيرته مرهون؛ تما بغيبته ما ينطري.


عليه أبشري ياعين عزيز كان مرهون وفضي.


عليها شرار النار غيات المراهين يعلم.


عليهم لها مدات عزاز قابلوا عيني بكت.


علي غلاك نين تموت العين ياعلم بات رايها.


علي جار طالق نار غلاك وين ماجا لخاطري .


عليك بالعلم ياعين اللي عجاج ميراده طرب.


عليك خاطري مجروح وياعزيز ناويش درتلك.


عيب ياعزيز النقص وهن معاك دجاية غلا.


عزيز وقت نوم الناس سريبه يجي دون خاطري


عزيز وين ما نطروه يسيلن رقيقات الغرض.


عزيز هو سبب لنظار عماهن وما بايقودهن .


غفت العين جاب العقل سريب ياعلم طار نومها.


غيات الغني ياعين عذاب غير عاده جاريه.


غنا اونا معتاز العقل قال مالي ومالهم.


غني في غني مشتاق زعمه كيف لا ماهم يجي.


غربه وجا يـلين عليك زعمه ويش قانوك لهم.


غرض العين في مرهون سفاه الا لكن مضت.


غلاك عضم كسره قند دقداق ما جبيره تلايمه.


غالي علي لنظار حتي وانت مرهون ياعلم.


فدا عزيز مو ميجود كبير جا علينا فاهقه.


في علو ملزومات حدرن وين نباهن علم.


في زمان قل القدر لقي العقل لتراك خير له.


فراق ا لعزيز صعـيب تخريج روح يانا موعره.


فطنواباقلال الدين علي مساربه تادروا حرس.


فراق العزيز صعيب والصبر في فراقا كادني.


قايله مع عقال العين حالفه ما تخونهم.


قديم جرحهم لولاف حقا وهم غنا ياما بري.


قفزات خاطري م النوم اسبابه الغنايا وجرحهم.


قليلة نجا ياعين من يوما وطيـتي نارهم.


قسمت ليلها ليلين العين في مراجيي غاليا.


كاس ياسهم في اليديذوق فيه ويقول يقسمو.


كلت زنايقه تقديع العقل ياعلم نار الغلا.


كبرت نار شاطت نار ولعت نار في نار قابلت.


كبرن نار مرهونين كميتها علي جوفي رقت.


كانت العين مزار في زمان ضاري يا علم.


كانت العين مزار يجوها مجاذيب يوقعوا.


كبيره عليهالعقل تجفاه دار ويعاود لها.


كنيب تشغلي مولاك علي عزيز يا عين أغردي.


كذاب يا منام الليل تجيب في ناس طال ياسهم.


كنيبه مغيرايام سعد الياس مو ديما قوي.


كناه ذ يبله رداه اجحده صاف شا كبه أوحل.


كميته علي جار غلا عزيز نشكي ب المن.


لو مريض للسوال ولا العقل بريان ياعلم.


لو كان ما خلق مولاي مغير أنتو أنا والغلا.


لو كان ا لوطا تنشال نشيلو عزيز ومقعده.


لو كان يقسم المرهوننرجوه ما علينا في البطا.


لو كان يا منام الليل تبقي رسيل بيني وبينهم.


ليش يا عزيز ادير الصوب وأنت عابي ع الخطا.


ليالي مضن وايام طلبنا الله لا أتعاودهن .


مغير مذهب الرايات الا العقل رأيه مودعي.


مبدوعه نديروا صوب تصير في عقابه مخادعه.


مرهون تحت ناس عزاز رزاني وناره مقايله.


مرهون يالعين أنسيه ديريعزاوين واصبري.


مرهون جاصداف العقل عليه تبت توباتي نقض.


مرهون ماعليه رباط يخون ويما قابل نظر.


مرهون عند شين اللون غلا عزيز ياناري اقبي.


مرهون عند شين اللون احجر نباه ماعاد ينطري.


مرهون دارلك ياعين سراقة غلا نين ذيبلك.


مرزي العقل كا مي داه من خوفا يشاكيك تنكره.


مرزب العقل داه كبير اسبوبه مرا هين مافضوا.


ما تقول فيهن زول بعد عزيز لوطان سوتهن.


ما في الغرب صابات علي هلك ياعين عاودي.


من يوماً مضيت وجلت تمشي بصوب يرضي خاطرك؟


مستوحيات ياس طويل’لنضار في عزيز يوادعن.


مشاكي العين قلال مالها فزاع غير دمعها.


مواير يبانن فيه مرهون كان واري حقوقنا.


نا مالي عليك ملام ويا ياس ليش أتزورني




ننهاك ع الغني ياعين نلقاك في سريبه عايله.


ننهي العقل نين يريض نلقا غلاك ماليه ياعلم.


ننهي العين ع المرهون تقول في ضلالي خلنـي.


ننسوا فيه يوم بيوم عزيز نين ياساته مضن.


نرجاهم أطناشر عام بحساب يومفي شأن الوفا.


هذا هو الياس صحيح إلا لولي فيه الجرجاء.


هداهن الله ع الخير لنظار كان تابن ع الغني.


هاوي عليك الياس بلا عزيز يا عين اصبري.


هنيه تبات العينأن كان صوب لولاف كملت.


هتا يايلموا فيه ورا عزيز ما زال خاطري.


ولد اليأس جاء منطاز ونا غلاي ما زال عسكري.


وريني بعد لولاف أنتي زهاك ياعين أيسمه.


وراء عزيز دار بدار لنظار يا علم نين أشرفن.


وا خذين ما في ألعقل سوي بعاد والا أيقربوا.


وما نظرن زول عزيز لهن أيام في أيام يا علم.


يا طول ما رداك غلا عزيز وا ليوم هانوك.


يّطـافر نهدي فيه العقل واجعه موح دارهم.


يكساها ضباب تحوس العين وين لو هامك تجي.


يـبدل غلاك بصبر المولي أللي ياسك كتب.


يجفاك من امرارك فيه ويجيك من امرارات الغلا .


يرجي غلاك والياس العقل ما عرف خير أيهن.


يزيدن شقا وسمور غيات المراهين ياعلم.


لا تايسي يا عين فرج الله ماريت ما قربه.


لا سفيه لا جوال مغير لا زمه صوب العلم.


لا عزيز داير خيير ولاخطاه لاقيله جهد.


لا عزيز لا طاريه معاي يا جذر خوذ غايتك.


لا تعاندي مولاك علي عطاه يا عين أصبري
ابراهيم سعد
* شدي عزايمك ياعين يفني العمر يا بال الغلا .
*شقانا وراهم ضاع سعد غيرنا فيهم قوي .
*طرد اعزيز ع الغفلات سهيت نين ماقيدي وقع .
* كاس ياسهم في اليد ايدوق فيه ويقولوا اقسموا .
*مرزي تاعقل كامي داه من خوف ايشاكيك تنكره .
*ما اتقول فيهن زول بعد العزيز لوطان سوتهن .
*ما في الشرق صابات علي هلك ياعين عاودي .
*مستوحيات ياس طويل لنضار في عزيز يوادعن
..

عليه رقرقن لنضار عزيز وين مواله خطر
النوم والهنا والعقل عزيز مامشا نين شالهن
نحساب ياعزيز الصوب سهاري عرب نين لاعني
اللي قبل هومشكاك للناس كيف تشكي بسيته
عزيز والعزيز عزيز ويبقى عزيز ليوم لاخره
زعم ياعزيز امعاي والا شاقي بحوال غيرنا
الشمس ياعزيز اتغيب ان جانباك شاقي بغيرنا
فراق عزيز كي فراق الروح وفراق الروح لو ريت مصعبا
يستاهل دموع اكبار عزيز ماتجيبه فقفقه
لوكان الغلا بالسيف علي لعطاب ان ناخذك 
 
 
 
 
مـــا نــريـد ننساها( للشاعر الكبير مراد البرعصي )

هـــــــــــي أتـــــّهايــــــــا لــو كانت بودّي نا وحال الغايه
مـــا نــريـد ننساها
- و هـــــــــي خطّـــــــــــــــــاره
تــــوارت و مـاب طيفه إيتواره
معاي جرحه مازال في تـــــــيَّاره
وهـي الجرح برَّاني أشمل بعنايه
و نا الجرح ماكن في الكنين قراره
و هـي جروحه لقـين دوا و برايا
و منشابها في الجوف توقد نــــاره
مـــعانــــا و هــي لقيت لها طفايه
وقدت النار ولذعها و أمـــــــراره
ما أسمرت من جوره ولي شكايه
منه و لاعــــــــد للسّــــــبل دوّاره
علــــي سيل دمع تهيل فيه سخايا
و نا العين عندي ذارفه مـــــحتاره
ديمــــه علــــي خلـــوة جبا بكّايه
- و هــــــــــــي هفــَّــــــــافـــــــه
عليـــــنا و ديــمه خاطري بريافه
عليهــــا وهــي كانت أسباب تلافه
وينـــــما نـــما بـارجاعها وتحايا
عرق الربيع أذبلت صار صــيافه
و مـــــالزرع مــا نميت لا ورايا
غاية الغلا سوته و صار جفافـــــه
من شعلة و ريح أملاطشه سفايا
- و هـــــــي بـــــــالذكــــــــــرى
تخـايل و ديمه خاطري في فكره
غـــــلاها وهي بين الوفا و النكره
تخـــايــر أنظرها كي أدير معايا
و ماني اللي يروى بنفخ الــــزكره
كــــــــي ما يباتوبه أوحود روايا
و اللي ما تجيك اليوم تاتي بكـــره
و صبرك علي ظلم العزاز أهدايا
و خرَّابت الغلا من هول يوم السكرى
يــــا ويلـــــهم ســاعة أوفا المنايا

تقبلوا تحياتي



Add a Comment



Add a Comment

<<Home